هانا جانــــــــــــــــــــــــــــــي .............و هانا علي موعد غلا لاقانـــــــي
و هانا ورا صوبه ردح ميــــزاني.............. و هانا نطقلي بالغرام لسانـــــــه
و هانا اجادلنا بضرب معانـــــي.............. و هانا نديم الشوق كاس اسقانـــا
و هانا بما في داخله شاكانــي............. م الشوق م الغلا من لوعته و احزانه
و هانا قريب الدم و البرانـــــي.............. تعجّب لقوة صدقنـــــــــا و وفانـــا
****
هانـــــــــــا جينــــــــــــــــــا ............... و هانا على الصوب العفيف حكينا
و هانا دفنّه حزن ماكن فينــــا................ وهانا ذرفنا دمـــــــع في ملقانـــا
و زاد هنا م الشوق الدفين شكينا........... و هانا بعد تسكيب كـــــــف بكانا
و هانا احتار اللي رقيب علينا ................حلل و لكـــــــــــن ما فهم مغزانا
و هانا الفاهم ما فهم طارينا................. بألغاز نهمسوا م الخوف م الفتانه
و هانا اللي حساد وقضوا بينا............... و عالـــــــوا علي تخريبته مسدانا
و هانا اللي قاس الغلا تكوينه............... صبّا بما جابـــــــــــــــن يديه معانا
و هانا و نحنا شابكين يدينـــــا.............. بكينا بعد حان الوداع اوانــــــــــــــا
****
هـــــــــــانا صـــــــــــــــــــار................ ملقــــــــــا علي موعد غلا بقدار
و هانا وقفنا ضد للتيـــــــــــار............. وبعكس المسار مشا بحسب اهوانا
و هانا اداولنا الحديــــث اشعار............ او وضعنا عفيـــــف الغزل في ديوانه
و هانا و نحنا يا زمان صغـــــــار............ اضحكنا على اللي ما ارضيه زمانــــه
و هانا الشاكي اللي شكا من نار.......... خففنا مصابا وين ما شاكانـــــــــــــا
و اليوم يانا يا زمان كبـــــــــــار............. و نواروا علي لخريــــــن في شكوانا
****
هانـــــــــــــــا جيتـــــــــــــــه............. و هانا علي نار انتظـــــــــــار ألقيته
يراجي و تاعب من امرار رجيته............. و ضحكن عيونه كي اوصلت الحانــه
اللي لا يهون و لا نهار انسيتــه............. و لا تصيـــــــر لا نقدر علي نسيانه
غالي علي اصاعبت قسميتـه............ من ناس ما الصوب اسمروا من نيرانه
و مازلت نرجا في كريم عطيته............. طالب غلاه إيسهّلـــــــــــــــه جرنانه
و يجبرخواطرنا و تصدق نيتــــه ............و نيتي و نبنوا من جديد ابنانــــــــــــا
يصير الملاقه من بعد تشتيتــه............ يلتـــــــــــم شملنا يعودن ايام زهانا
خطرها مكان امنين ما حقيتـــه............ استحضرت ماضي كادني اجحدانــــا
و سيرة اللي لاعند يوم الميتـه............ و نا كل يوم نقول حيــــــــــــــه فلانه
****
هاضا مكان القانا.............ابكى انكان ابكاك جاب امنانا.........لين تنعمـــى
الأربعاء أبريل 11, 2018 9:31 am من طرف 
موضوع: هضا مكان لقانا .....ابكي انكان بكاك جاب امنانا ...لين تنعمـــــــــــــى