نسمة صباح
المدير العام
 
تاريخ التسجيل : 02/12/2011
 |  موضوع: شعر في وصف القهوة  الخميس ديسمبر 15, 2011 7:28 pm | |
| [ندعوك للتسجيل في المنتدى أو التعريف بنفسك لمعاينة هذه الصورة]
ياريـف قلبـي للمساييـر قـم شـب
وحط المنـاره فـي طويـل الظلالـي
عقب تشق الها لجزل الحطـب جـب
وهات النجر واحضر جـداد الدلالـي
ثلاثٍ الهـن راعـي الكيـف يطـرب
وسوطهـن ضمّـر والأخـر جلالـي
وابطونهن ما اخذن اسبوعٍ عن الرب
وجنوبهـن صفـرٍ تــلالا تـلالـي
والرابعـه ملقامـة لونهـا اصـهـب
حيـث انهـا للنـار دايـم تصـالـي
فليا جبت كل اشروطها اللـي تطلبـا
قعـد عليـهـا يازعـيـم العيـالـي
واحمس لنـا بريـة حبهـا اشهـب
وبهارهـا هنـدي وماهـا زلالــي
واعرف تـرى قانونهـا مـا يخـرب
وندارهـا ينقـى ومـاهـا يكـالـي
وتراه ما يصلـح لهـا كـل مذهـب
ولا تقبـل الراضـه ولا الأعتجالـي
واليا حمست احرص على حمسة الحب
واعرف ترى الحمسه تبي وسع بالي
تاخذ على ادنى الجمـر فتـره تقلـب
لين العـرق يطلـع سـواة اللوالـي
ومن يوم يطلـع فالمبـرد لهـا كـب
ليـن النـدار الكـان فيهـا يشالـي
واليـا خـذت مقـدار للنجـر قـرب
ودنه بصـوت يسمعـه كـل غالـي
دنـه وخـلـه للمسايـيـر يـجـذب
لا قـام صوتـه للنشـامـا يـلالـي
يوحونـه الجيـران لاقـام يقـنـب
يوحيه الأقصـى والقصيـر الموالـي
وعقـب تـدق البـن لقـم وركــب
لين انهـا تسمـح مـن الأجتوالـي
وقبـل تبهرهـا عـن النـار تجـذب
وتركد شويه ليـن يصفـي الحثالـي
وبرويد في حـدى المباهيـر تسكـب
من عقب غال الهيـل فيهـا يهالـي
واعـرف اليـا بهرتهـا يالمـشـبب
تـراه يكفيهـا مـن النـار صالـي
ثم اجذهـا مـن يـوم للهيـل تقلـب
ومن يـوم تركـد صبهـا للرجالـي
حتى يجي الفنجال منهـا اليـا صـب
بين الشقـار وبيـن لـون الشعالـي
اما اشقر رايب مثـل بـول الأرنـب
والا اشعـل يشـدا لـدم الغـزالـي
يطرب لها من كـان للكيـف يطـرب
كيف النشاما اللي من العيـب خالـي
واعرف تراهـا عـادة مـا تسيـب
ولا ينتقدهـا الا قـصـر الحبـالـي
واحرص تخلـي عـادة الجـد والأب
ما هم عليـه اول عليـه انـت تالـي
تـراك مـن كـل المناسـب معـرب
مـا بيـن جـدان وعمـام وخوالـي
وابيـك عـن منهاجهـم مـا تجنـب
انكـان فكـنّـك بـنـات الليـالـي
للشاعر: غازي بن عون الرويس العتيبي
وهو يوصي أحد أبنائه ليتعلم القهوه
| |
|
