**ع القسم**
( قسام الاقسام أقسما **قسمى أقسام قسمى ماقسام )
(ياقسام قسامت قسمى**قسمت وماقسملى قسمى)
لقسام يا عزيز احترن **لهن زمان فينا يظلمن
اللي اقسملنا طلناه **والباقي غبا نار تاكله
الصوب غير حرق قلوب ** قليل وين لولاف يقسموا
حرقت القلب بنار غــلاك ** ويقســم ما يقســم لاماك
وهاك
** ع الياس**
عواقب الغلا ياسات**اتسير هذى مى خاطرة على
مشى الياس جاب الياس **تما الياس هو ياس ياسهم
الكبد فى رحات الوقت** يبرم الياس فيها ع المهل
الياس ما لقى ما ايدير**لقاهم الاولاف احداي شالهم
هـاوي عليـك اليـاس** بـــلا عــزيــز يــا عيـن اصــبـــري
سيل الياس خذانا سرقه** لا غيم لا شكع برقه
وهاك
**ع القديم وع الجديد**
يا لجديد أنزل فالخاطر**ما شكع برق الا ماطر
يا لقديم وما تعلمها**نارك صوب جديد ردمه
ياقديم ان ريدك طيب,**درت جديد احذاي اقريب
اجري جاي اجري يالجديد**كان مكان قديم اتريد:
كان تفارق كثر خيرك**يا لقديم لقينا غيرك
جديد ياقديم ادفرك**كنس مطارحك نين عججن
عالجديد بات الرى** فكونى بلا قولت لقدم
يالقسام عزيز عطنا ــ واللي تبنّا خوذنّا
اللي جبتا ياقسم ــ حتى وهي مي هي أرضيتا
عزقك يالعين القسم ــ منهم بعيد كنك ساكته
من يالا الياس اخطمن ــ لقسام في عزيز ايدودشن
ياواهب ارزاق العين ــ سهل اقسام مقطوع الرجا
اولايم علي لقسام ــ جيران غير مرجاه منقطع
ارضيت ما ارضيه القسم ــ وانسيتم قديمين الغلا
تفسيره بقطع اقسام ــ منامي اللي جاب القدم
عذره عزيز قال اقسام ــ ارجاهن وهن ما روحن
القديم والجديد
أمفيت ماغلا القديم ــ نقدر انقول ناسي كل شي
نومي بنار جديد ــ ونقول ياقديمين وينكم
أغني عزيز وانسيناه ــ وافضي جديد جيناه ارتهن
انمو منام جابك دوج ــ وياقديم مابيت تنتسى
حتى والفراق اقسام ــ اللوم عالقديمين دايره
انظر قديم فاي اسنين ــ نخطر عليه ويجيب الدوا
نمشيلك انجي بريان ــ دواي فيك يادار القدم
يادار قديم المتموح ــ نمشيلك بريان انروح
مكر في قديم وكيد ــ انديرله جديد ايجاوره
اقدم نمكر فيهم وانكيد ــ احذاهم داير صوب جديد
العقل مالكه القديم ــ مكان للجدد ماعندنا
تباعد يالجديد بعيد ــ اقدم قدامك وين اتريد
على الياس
ملتمات علي مصايب ــ فقر وياس وغالي غايب
شديد لااكبر لامات ــ طويل عمر ياسي فالغلا
بحر الياس ضلمه شين ــ نا ابطلت وانت غرقك
غيات عقبهن ياسات ــ ماهناك شي علايل كيفهن
ملتمين علي قبالة ــ شياب الياس وعقاله
يجارن وهو جراي ــ سبق الياس لقسام عالغلا
غلا يجرن ماطقن فيه ــ الياس سبق لقسام عليه
***********************
صوبي نلسي جافيتني ضيعت فيك احساسي /// خنت الغلاء هي ليش
حطمت ليش آمالي --- بعد طول مرجا في سمور ليالي
ونا قلت غيرك مانغالي غالي ,,, ماحسبت تبقالي حبيب وقاســـــــــــــي
وفي غيبتك ماريت شطك حالي === ولانك اللي رايفت له مجلاسي
ولايوم في لحظه انسيك خيالي ,,, وديمه ادموعي بالخدود مكاســــي
مانك حبيب أحبيب ___ ولانا شعرت انك احذاي أقريــــــــــــــب
سيبتني ماخير فيه أمسيب ,,, وسط البحر متباعدا المراســـــــــــي
ونا كنت مخلصلك أخلاص ايخيب /// وفي وحدتي نحسب انك وناســــي
الدموع ايبدن ؟
ولفكار تمن ياخذن ويودن
امور واجده لمن عليـــــــــك وجدن , ولاعاد اتصبح لا اتجي واتماسـي
من حقهن لنظار توا ايردن \\\ جفاك بالجفا بين العذاب أتقاســــــــــــي
واعزومهن لازم عليك ايشدن ,,, وينسن سريبك فيه كل ماســــــــــــي
ويشقن بصوب جديد مـــــــــــــــــــــا يجدن
ويزهن معاه وينتهــــــــــــــــــــــــــــــــي وسواسي
صوبك ناسي ؟ جافيتني ضيعت
فيك أحساسي , خنت الغلاء
هي ليش ؟؟؟؟؟؟؟؟؟؟
الأربعاء أبريل 11, 2018 9:31 am من طرف 
موضوع: نبدوغناوي شتاوات القديم الجديد 
